Sabtu, 06 Jun 2020
radarkediri
Home > Politik
icon featured
Politik

Ana Pageblug Korona, Murid Sinau Neng Omah

31 Maret 2020, 10: 27: 50 WIB | editor : Adi Nugroho

basa jawa kediri

UJIAN: Siswa SMK ing Kota Kediri wektu melu UNBK sadurunge ana pageblug virus korona. (Iqbal Syahroni - radarkediri)

Share this          

KOTA, JP Radar Kediri – Amarga pageblug virus sing terus-terusan kedaden, pemerintah pusat wis resmi ngetokne surat gawe sinau ning omah gawe pelajar. Sing kudune dina iki kabeh podo melbu sekolah, diundur nganti Senin (6/4) ngarep.

          Saka surat edaran (SE) sing ditokne menteri pendidikan lan kebudayaan (Mendikbud) neng nggone kepala dinas pendidikan (Kadisdik) provinsi lan kota, wis dikandani digawe penambahan jadwal sinau neng omah iku. “Bener, tugas lan sinau online guru karo murid uga ditambahi,” jarene Kasi SMK Cabang Dinas Pendidikan (Cabdispendik) Kediri Sidik Purnomo.

          Sidik nuturake, sinau dewe nang omah kabeh bocah sekolah. Saka SD nganti SMA lan sederajat. Ora mung kegiatan belajar mengajar (KBM) sing diliburke. Nanging uga kegiatan kelas 11 SMK sing praktek kerja lapangan (PKL) ning Kota Kediri uga pada diliburke.

          Dadi para siswa SMK sing lagi PKL embuh iku ning Kediri utawa ning luar Kediri, kabeh wis dikabari saka Cabdispendik lan disebarke saka kepala sekolah.  Kabeh dienggo narik bocah SMK sing isih PKL.

          Sakliyane sing PKL, kegiatan liyane neng lingkungan sekolah uga uwis mesti dibatalke. Soale dienggo gawe medot rante virus korona ning panggon rame.

          Ditambahe prei iki, uga nduwe pengaruh karo agenda sing paling cedek. Yaiku Ujian Nasional Berbasis Komputer (UNBK) ning tingkat SMA Kota Kediri. Kudune, dina iki (30/3) para siswa kelas 12 SMA ning Kota Kediri ngelakoni UNBK. Nanging dibatalne. “Wis resmi saka surat edarane,” tembunge Sidik.

          Dibatalne UNBK iku ngono uga jelas gugurne penilaian UNBK dadi salah siji sing dienggo masuk ning jenjang selanjute. Lek dienggo kelulusan gawe para siswa SMA lan SMK dewe iku ngono kawit taun-taun wingi uwis saka Ujian Satuan Pendidikan Berbasis Komputer Smartphone (USP-BKS).

(rk/baz/die/JPR)

 TOP
 
 
 
Follow us and never miss the news
©2020 PT Jawa Pos Group Multimedia