Rabu, 01 Apr 2020
radarkediri
Home > Features
icon featured
Features

Ndelok Wayang Kulit Bisa Sinau Panguripan

24 Februari 2020, 18: 15: 47 WIB | editor : Adi Nugroho

Wayang di Kediri

Wayang di Kediri (Ilustrasi: Afrizal - radarkediri)

Share this          

KOTA, JP Radar Kediri – Indonesia kuwi negara sing duwe akeh seni lan buduyo. Salah sijine kesenian sing sampai dikenal neng donya. Yaiku kesenian wayang kulit. Wayang kulit kuwi penokohan menungsa digawe saka kulit utawa kayu sing diukir. Saben tokoh, duwe karakter dewe-dewe. Kesenian iki salah sijine bentuk saka teater tradisional.

Masiya kesenian iki uwis mulai kalah karo kesenian sing mlebu saka jaba. Isih akeh bocah enom sing seneng ndelok pertunjukan wayang kulit. “Aku wiwit cilik kerep diajak bapak lan ibu gawe ndelok wayang,” ujare Firdous Sabatia Madani, 17.

Bocah kelas XI SMAN 5 Taruna Brawijaya Kota Kediri ngandani soal pengalamane ndelok wayang. Saban pagelaran wayang dheweke keturon wektu ngenteni wayange main. Masiya kerep keturon wektu ndelok wayang, Firdous seneng karo tokoh semar sing duwe sifat sederhana lan wicaksana garai wong bisa terispirasi.

“Kanggo kula sing menarik marang wayang yaiku ceritane, amarga saben adegan duwe  pesen moral,” imbuhe Firdous.

Amelia Dwi Utami, 17, uga nuturake sing pada. Bocah neng SMKN 2 Kediri iki ngandani, uwis kerep ndelok wayang wektu isih cilik. Jare Amelia, seneng ndelok pertunjukan wayang amergo pertunjukan wayang kulit iku salah sijini kesenian asal Indonesia sing kudu dilestarikno. Selain iku, tontonan wayang kulit iku mesti dadi enten-entenan masyarakat desa.

“Biasane aku ndelok wayang nalika ana buka giling setaun pisan,” jarene Amelia.

Saben ana acara ulang tahun sekolah, salah siji acara sing meskti dianakae  pertunjukan wayang.  “Bubar ndelok pertunjukan wayang, siswa sekolah kudu gawe crita gawe pagelaran wayang,” imbuhe.

Alasane nyapo Amelia seneng ndelok wayang? Jarene, wayang duwe bentuk sing unik. Diwalik saka bentuke sing unik, wayang iki digawe saka lembaran kulit sing dikaitne karo tangkai pring. Nggak mung kuwi, saka tokoh wayang iku bisa ngelekne, lan mituturi awake dhewe. Bisa uga sinau artine panguripan.

(rk/baz/die/JPR)

 TOP
Artikel Lainya
 
 
 
Follow us and never miss the news
©2020 PT Jawa Pos Group Multimedia