Kamis, 23 Jan 2020
radarkediri
icon featured
Politik

Disdik Bagi Kain Seragam karo Kajari

10 Desember 2019, 18: 15: 20 WIB | editor : Adi Nugroho

bagi seragam

SALAMAN : Kadisdik Kediri Siswanto nyalami murid SD Campurejo 2, karo bagi-bagi kain dinggo seragam sekolah, Selasa (26/11). (Iqbal Syahroni - radarkediri.id)

Share this          

KOTA, JP Radar Kediri - Dinas Pendidikan (Disdik) Kota Kediri mulai bagi-bagi kain seragam dinggo bocah SD nang Kediri, Selasa isuk (26/11). Mulai SD Mojoroto 1, sampek ning SD Campurejo 2, ditekani karo Disdik lan Kejaksaan Negeri (Kejari) Kota Kediri.

Kepala Disdik Kota Kediri Siswanto njelasake lek memang lek mulai minggu iki, kabeh podo dikirimi kain dinggo seragam. Gak cuma bocah-bocah SD, nanging bocah SMP barang. “Sepurane enek keterlambatan, nanging sampun iso dibagekne kabeh nek SD lan SMP,” jare Siswanto.

Telate pembagian kaos iki, lanjute Siswanto, ancen ora iso dipungkiri. Amarga kudu enek proses lelang sing cukup suwi, karo enek uji lab sing nduduhke beberapa hal sakdurunge kain dibagikne.

Siswanto ngaturi, męski wis telat, nanging bantuan kain iki mugi-mugi bisa digawe mbantu wongtuwa utawa wali murid sing kekurangan. Pembagian kain uga nggak lepas teko peran bantuan saka tim ngawal, ngamanake, pemerintah, dan Pembangunan Daerah (TP4D) saka Kejari Kota Kediri.

“Alhamdulillah kain seragam pun saget dibagikne, wongtuwo lan wali murid wis mboten perlu khawatir, mugi-mugi tahun ngarep gak telat maneh,” ature Siswanto.

Sak liyane kain, Disdik Kota Kediri yo wis ngerencanakake anggaran dinggo jahit kain seragam. Supaya arek-arek sekolah sing lagek tas melbu iso ngerasakne gawe seragam anyar.

Kepala SD Mojoroto 1 Dukut Wayanto, njelaske lek pihak sekolah wis sosialisasi ning poro wongtuwo lan walimurid, sakdurunge pembagian kain seragam. Selama iki gak enek wongtuwa murid sing mengeluh, kabeh wis podo ngerti. “Alhamdulillah mugi-mugi seragam gratis iki iso gawe manfaat kanggo semua pihak, terutama sing kurang mampu,” ujar Dukut.

Sementara itu, Kasi Intel Kejari Kota Kediri Zalmianto Agung ngaturi lek selama proses, Disdik terus dipantau lan didampingi terus kalih TP4D. “Mulai soko perencanaan, sampek pelaksanaan ngewehi kain seragam ning sekolah-sekolah. Mugi-mugi kabeh bisa gawe manfaat ning masyarakat,” jarene.

(rk/baz/die/JPR)

 TOP
 
 
 
Follow us and never miss the news
©2020 PT Jawa Pos Group Multimedia