Kamis, 12 Dec 2019
radarkediri
icon featured
Politik

Refleksi lan Dunga Bareng Kanggo Pahlawan

11 November 2019, 12: 55: 54 WIB | editor : Adi Nugroho

pahlawan basa jawa

DINA PAHLAWAN : Mahasiswa lan polisi neng ngarepe patung Sudanco Supriadi sakbare nggelar dunga bareng meringati dina pahlawan, wingi (10/11) (Iqbal Syahroni - radarkediri.id)

Share this          

KOTA, JP Radar Kediri – Gak ana mandeke dunga kanggo para pahlawan bebarengan dina pahlawan kang cumeblok dina wingi. Para warga kutho nggawe acara kanggo ngingeti kabeh jasane para pahlawan. Salah sawijine yaiku sing dilakoni para mahasiswa saka Universitas Brawijaya (UB) Kediri wingi (10/11). Para mahasiswa kuwi nggelar dunga bebarengan kangge ngingeti Hari Pahlawan.

Kagiatan kuwi ana neng ngarepe patung Sudanco Supriadi. Neng cedake Taman Sekartaji, taman kang kasuwur dadi jujugane para nom-noman lan warga kutho nglakoni warna-warna kagiatan.

“Dunga bareng, ambe ana aksi teatrikal,” ujare Presiden Badan Eksekutif Mahasiswa (BEM) UB Kediri Sunu Cahyo Nugroho rikala ditakoni Jawa Pos Radar Kediri.

Sunu uga nambahi, yen aksi mahasiswa kuwi kanggo ngingeti jasane para pahlawan. Utamane kang gugur rikala perang nglawan tentara penjajah.

Miturut penjelasane Sunu, acara kang digawe para mahasiswa kuwi saka pemikirane dewe. Kepinginane eling marang jasa para pahlawan. Lan kuwi bisa dikawiti saka awake dewe. Ora kudu meksa marang liyan. Yen wis mulai saka awake dewe banjur bisa ngejak liyane mikirake apa sing tepak gawe ngingeti jasa pahlawan kuwi.

Neng aksi kala wingi, cacahe mahasiswa sing melu kira-kira ana 50-an mahasiswa. Uga, acara dunga bareng isuk wingi ora mandek samono wae. Bakal diterusake mau bengi neng Taman Sekartaji.

“Sore iki (wingi sore, Red), karo engko bengi (mau bengi, Red) ana acara kanggo Hari Pahlawan,” tuture Sunu.

Aksine nom-noman kuwi oleh lem-leman saka warga kutho kang liwat seputarane Taman Sekartaji. Warga kutho akeh kang melu ndeleng orasi lan kagiatane para mahasiswa kuwi. “Apik konsepe,” jarene Faisal, 26, warga Bujel, Mojoroto.

Kapolsek Mojoroto Kompol Sartana ngaturi omong yen acara isa lancar. Ora gawe macete dalanan. “Apresiasi kanggo para mahasiswa. Kudu didukung supaya kabeh iling marang jasane pahlawan,” pungkas Sartana.

(rk/baz/die/JPR)

 TOP
 
 
 
Follow us and never miss the news
©2019 PT Jawa Pos Group Multimedia