Kamis, 12 Dec 2019
radarkediri
icon featured
Politik

Disdik Nambahi Insentif Gawe Guru Honorer

11 November 2019, 12: 36: 56 WIB | editor : Adi Nugroho

guru honorer

KELUMPUKAN: Guru lan pegawai honorer Kota Kediri ngumpul neng omahe salah sijining guru kala ketemu anggota DPRD Kota Kediri. (Anwar Basalamah - radarkediri.id)

Share this          

KOTA, JP Radar Kediri – Guru lan pegawai honorer neng Kota Kediri bakal sumringah tahun ngarep. Amarga Dinas Pendidikan (Disdik) Kota Kediri gelem nambahi duwit insentif. Sing awale mung Rp 250 ewu, mulai tahun ngarep dadi Rp 300 ewu sewulane.

Miturut omongane Kepala Disdik Siswanto, tambahan duwit insentif kuwi uwis diusulake neng Rancangan Anggaran Pendapatan Daerah (RAPBD) 2020. Cacahe guru lan pegawai honorer kang nerima ana 677 uwong. Asale saka tingkatan SD lan SMP.

“Tambahane seket ewu (rupiah),” pangucape Siswanto.

Sedurunge, Siswanto nerusake, kabeh guru lan pegawai honorer kuwi uwis oleh insentif. Gedhene Rp 250 ewu sewulane. Mangkane, yen ditambahi Rp 50 ewu, sing ditampa para guru honorer kuwi dadi Rp 300 ewu sewulan.

Kajaba kuwi,  jatah kanggo para guru honorer kuwi ana saka duwit bantuan operasional sekolah (BOS). Nanging, siji lan sijine sekolah beda-beda olehe ngedumake gaji kanggo pegawaine. Amarga disesueake ambek kang ditampa sekolah. Menawa muride akeh, olehe ya isa gedhe. Nanging yen muride sitik, nampane uga ora akeh. “Sing penting isa disyukuri,” tembunge Siswanto.

Saka anggota dewan liya maneh. Saka rapat dengar pendapat (RDP), anggota Komisi C DPRD Kota Kediri Ayub Wahyu Hidayatullah nuturake, kesejahteraan guru lan pegawai honore kudu ditingkatake. Kerana iku, insentife ditambah luwih gedhe maneh. “Yen cuma 300 ewu (rupiah), ya isih cilik iku,” jarene politisi Partai Keadilan Sejahtera (PKS) iki.

Ayub ngusulake, disdik bisa nambahi anggaran neng RAPBD 2020. Ben tambah sejahtera, usulane insentif dadi Rp 1,8 yuta sewulan. Iku berarti gedhene meh sak upah minimum kota (UMK) Kediri 2019. “Nak bisa setara karo UMK,” tembunge Ayub.

Banjur piye carane? Jarene Ayub, usulan anggaran bisa dibahas neng Badan Anggaran (Banggar) DPRD karo Tim Anggaran Pemerintah Daerah (TAPD) Kota Kediri. Dadi anggaran disdik isa digeser. “Pos liyane dielongi, terus ditambahi neng pos insentif guru lan honorer,” tuture.

Yen disdik bisa nambahi anggaran kuwi, kasejahteraan guru lan pegawai honorer Kota Kediri bakal dadi luwih apik. Jarene Ayub, perane wong-wong kuwi bener-bener penting. Amarga, sakliyane ngajar, guru uga ngewangi masalah administratif neng sekolahan.

(rk/baz/die/JPR)

 TOP
 
 
 
Follow us and never miss the news
©2019 PT Jawa Pos Group Multimedia