Rabu, 13 Nov 2019
radarkediri
icon featured
Politik
Suluh Kadhiri

Disdik Kediri Njangkepi Dum-duman Seragam Gratis

21 Oktober 2019, 14: 28: 00 WIB | editor : Adi Nugroho

seragam sekolah

TAMBAH LENGKAP : Siswa SDN Banjaran VI, Kecamatan Kota, wektu bubaran sekolah. Taun iki, Dinas Pendidikan (Disdik) Kota Kediri bakal ngedum peralatan seragam. (Anwar Basalamah - radarkediri.id)

Share this          

KOTA, JP Radar Kediri – Siswa neng Kota Kediri bakal tambah bungah. Amargane, Dinas Pendidikan (Disdik) nambahi dum-duman seragam geratise kaliyan sak uba rampene. Kaya sabuk, dasi, lan topi nasional.

Kepala Bidang Pendidikan Dasar Ibnu Qoyim matur, kajaba kain seragam, disdik uga maringi uba rampe seragam sekolah. Sing nampa yaiku siswa anyar sekolah dasar (SD) lan sekolah menengah pertama (SMP).

“Kaine dilengkapi karo peralatane,” pangucape Ibnu.

Ibnu ngendikan maneh, peralatan seragam sekolah sing didum mengko ana topi nasional, dasi, hasduk, kolong pramuka, lan sabuk. Nanging saben tingkatan ana telung paket sing dilelang. “Gawe SD telung paket, SMP uga telung paket,” Ibnu jelasake.

Miturute Ibnu, gedhene pengadaan sak pakete neng ngisore Rp 200 juta. Mangkane kuwi pakete pengadaan digawe cara penunjukan langsung (PL). “Gak ana sing ditender,” jarene priyantun kang nate tugas neng Dinas Sosial (Dinsos) Kota Kediri iki.

Saka telung paket pengadaan, paket sing kapisanan yaiku dasi, topi nasional, lan topi pramuka. Nalika paket kapindo ana hasduk lan kolong. Banjur paket katelu yaiku sabuk ireng lan sabuk pramuka.

Gawe paket kapisanan neng SD lan SMP, gedhene yaiku Rp 139 juta lan Rp 179,5 juta. Sing paket keloro nilaine Rp 105,7 juta gawe SD lan Rp 136,5 juta gawe SMP. Sing paket katelu, neng SD gedhene Rp 147,8 juta lan Rp 190,8 juta.

Ibnu banjur nerusake, sak paket pengadaan kuwi digawe pertengahan Agustus kapungkur. Disdik uwis milih pawongan katelu sing nyediakake peralatan seragam sekolah. Wektu saiki disdik kari ngedum neng siswa anyar. “Sing nyediakne perlengkapan uwis ana,” ucape.

Ibnu nglanjutake, peralatan seragam sekolah kuwi ora langsung diserahne neng siswa anyar. Nanging mengko dum-dumane dibarengake ambe kain seragam gawe SD lan SMP.

Gawe pangerten, disdik nargetake bakal ngedum kain seragam gratis SD. Wektune neng pertengahan wulan iki. Kala 14 Oktober kapungkur, disdik uwis gawa kain menyang laboratorium (lab) ana neng Jogjakarta. Tujuane agawe ngecek kualitase kain kuwi.

Nalika ngedum kain seragam SMP pancen rada molor. Jumat (11/10)  kapungkur, disdik nembe wae milih sing menang lelang. Mangkane, kain seragam putih-biru lan pramuka kuwi diperkirakake bisa dibagi neng Desember ngarep. Sakdurunge, telate pembagian kuwi kasebut amarga ana tender ulang.

(rk/baz/die/JPR)

 TOP
Artikel Lainya
 
 
 
Follow us and never miss the news
©2019 PT Jawa Pos Group Multimedia