Selasa, 19 Nov 2019
radarkediri
icon featured
Politik

Kelurahan Tinalan Dadi Kampung Tahu

Bukake sampek Bengi, Payune Tambah Akeh

14 Oktober 2019, 21: 55: 28 WIB | editor : Adi Nugroho

tahu kediri

NATA TAHU: Bakul tahu ing Kampung Tahu Tinalan nglebokake tahu nang wadah plastik. (Anwar Basalamah - radarkediri.id)

Share this          

KOTA, JP Radar Kediri – Kota Kediri duwe akeh kampung sing isa digawe wisata pawiyatan. Salah sijine yaiku kampung tahu ning Kelurahan Tinalan, Kecamatan Pesantren. Anane kampung kuwi, wisatawan ora mung tumbas gegawan saka lunga. Nanging uga bisa ndeleng cara nggawe tahu.

Miturut Agung Suprihatanto, pengelola Wisata Pawiyatan Kampung Tahu Tinalan, kampung kang ana ing gang IV kuwi wis terkenal dadi panggonan gawe tahu wiwit taun 1958. Sing ngawiti yaiku Mbah Markam. “Mbah Markam sing pisanan gawe lan dodolan tahu ning Tinalan,” jarene Agung.

Awal mulane, Agung ngendikan, Mbah Markam dodolan ning cedhake  Jalan Dhoho. Sing digawe tahu putih. Banjur bar kuwi, dodolane suwi-suwi payu akeh. Mbah Markam dadi lan suksese. Ndelok kesuksesane, dulur-dulure pada melu dodolan tahu. “Akhire, akeh dulur nang Tinalan sing dodol tahu. Ana anak, mantu, ponakan, lan putu,” tembunge.

Wayah saiki, perajin  ora mung gawe tahu kuning tok. Uga bisa gawe macem-macem jajanan. Misale stik tahu, tahu kres, cokelat tahu, kerupuk ampas, lan liya-liyane

Nanging, sakdurunge dadi kampung wisata, jarene Agung, perajin tahu mung dodolan. Bar nggawe banjur didol nang ngarep omah. Ora ana embel-embel wisatane. “Dodolane mung nyampek maghrib. Misale ana uwong sing arep tuku kala bengi ya kudhu gedor-gedor lawang,” pituture priyantun sing umure 37 taun iki.

Banjur, 22 Agustus, Wali Kota Kediri Abdullah Abu Bakar netepake Kelurahan Tinalan dadi kampung tahu. Kerjasamane karo Universitas Islam Kadiri (Uniska) lan Universitas Negeri Malang (UM).

Sakbare penetapan kuwi, bukake toko tahu luwih suwe. Wiwit isuk, lawange tokok tutup jam 22.00 WIB. “Sampek bengi. Wis ora gedor-gedor maneh kaya dhisik,” pangucape Agung karo mesem.

Agung lan perajin tahu liyane ngarepake kampung Tinalan luwih rame. Amarga sing teka saiki bisa ndelok carane gawe tahu ning pawon. Dadi, sakliyane tuku tahu gawe keluarga ning omah, uga entuk ilmune.

Saliyane kuwi, perajin dadi bungah. Dodolan tambah akeh payune. Yen sakdurunge sedina mung bisa ngedol 400 tahu saiki nambah dari sewu tahu sedinane. “Kampunge ya dadi terkenal,” pungkase Agung.

(rk/baz/die/JPR)

 TOP
 
 
 
Follow us and never miss the news
©2019 PT Jawa Pos Group Multimedia